Jesuitak laikoekin lankidetzan aritzen gara Espainian; gure obretako giza-taldearen gehiengoa laikoa da eta naturaltasun osoz hartzen dituzte mota guztietako zereginak eta erantzukizunak. Pertsona hauetako askok bat egiten dute obrak animatzeko espiritualtasunarekin, eta beste batzuk gure misioak erakartzen ditu. Denon artean gorputz apostoliko bat bakarra eratzen dugu eta aberastasun handia du aniztasun horrek.

Inaziotar familia Jesusen Lagundiko egituretatik harantzago doa, Ignazioren espiritualitatearekin identifikatutako laikoen hainbat talde eta elkarte ditu, adibidez, Kristau-bizitzako elkarteak (CVX), inaziotar sareak edo ikasle ohienak, inaziotar espiritualitateko hainbat ordena erlijiosoz gain. Horiekin guztiekin egiten dugu lana jesuitok, taldeei eta elkarteei lagun egiten diegu, eta fedea hazteko eta pertsonen duintasunaren aldeko ekimenetan parte hartzen dugu.

Eliza eta gizarte arloko hainbat foro eta saretan ere badago Jesusen Lagundia, sentsibilitate, ideia eta erlijio desberdinetako talde eta pertsonekin lanean ari da, mundua Ebanjelioaren balioetara gerturatzea baita denon helburua.